மரம் நட்டு
மதம் வளர்க்கும்
மதங்கொண்ட நாடிது 

இல்லாத கடவுளுக்கு கோவிலா ??
தொட்டி மீன் வளர்க்கும்  நாஸ்திகன்!!

சிறகிருந்தும் குரல் கொண்டே பறந்தாய்
கால் இருந்தும் தலை கீழாயே தொங்கினாய்
மதத்தை விட மரத்தில் தொங்கிய நீ எனக்கு-
"360° பார்வையே"

கனவு காண வேண்டும் என்பது என்
நீண்ட நாள் கனவு - இது வரை
நானாய் கொண்டதில்லை உறக்கம்
ஒவ்வொரு இரவும் பொய் பசை கொண்டே
ஒட்டி கொள்கின்றன  -இமைகள்

ஓர் எல்லைக்குள் தான் என் பார்வையின் - புலன்
ஓர் எல்லைக்குள் தான் என் செவியின் - புலன்
எல்லை கடந்தால் நானும்-
செவிடனாய்
குருடனாய் 

வேண்டுதல்களால் மட்டும்
நிரப்பப்பட்ட கோவில்கள்
வேண்டாம்  என்றே
இவன் தனது
கடவுளை கோவில்களில் இருந்து
வேறிடம் மாற்றிக்கொண்டான்

உனக்கு
வரம் தரும் ஒரு
வரம் வேண்டும்
- கடவுளே 

சமயத்தை வணங்கு
கடவுளை வணங்க முன்!!
என் நாட்டில்
சமயமே
சட்டத்தை போதித்தது
சமயமே நாட்டின்
சாதாரனவனும் அறிந்த முதல்
சட்டம் ஆதலால் ..

எந்த தே"வதை"
எனக்கு தூக்கத்தை பரிசளிக்க போகிறது
மரணம் பரிசானால் கூட
அது எனக்கு தூக்கத்தின் வரம் தான்

விஞ்ஞான விளக்கம் இல்லா உறவிது
விதிகளுக்கெல்லாம் விதிவிலக்கான உறவிது
விஞ்ஞானதோடு  விதி எழுத முற்பட்டு
வளி  இல்லாமல் ஒலி இழந்து
மொழி இல்லாமல் போன உறவிது
காதல் கொண்டு களங்கப்பட்ட உறவிது
காதல் களங்கம் இல்லாதது எனில்
உன்னை களங்கப்படுத்துவது தவறில்லை 

கணிதம்
கற்க்க வந்து
கணினிக்குள்
கவிழ்க்கப்பட்டேன்
விழுந்தது ஏதோ
விறைப்பான இடத்தில் தான்
இருந்தும் காலம்
கால்கள் நகரும் திசையில் இல்லை - கால பதில்களுக்கான காத்திருப்புக்களில்....

விஞ்ஞானம் தொலை தொடர்பை கண்டு பிடித்தது  - இருந்தும்
ஒலி அலையிலே என் உயிர் அலையை கண்டு பிடிப்பவள் - நீயே தான்
தூரத்தில் இருந்தாலும் நீ என் நிழல்
இருளிலும் தெரியும் என் நிழல் - எனக்கு - அம்மா

என் கண்களை திறந்து விட்டு நான் காணுமுன் உன் கண்களை மூடி கொண்டாய் சூரியனே இங்கு இல்லை பிறகு இங்கேது பவுர்ணமி

உன்னோடு பேசுவதாய்
எனக்குள் பேசி, பேசியே!
மெளவுநியானவன்
நீ யார் என்று தெரியாமல் இருந்திருந்தால்
நான் நானாகவே இருந்திருப்பேன்..

நான் நடந்திருந்தால் என் சுவடு தெரிந்திருக்கும்.
நான் கதைத்திருந்தால் என் மொழி தெரிந்திருக்கும்.
மெளவுநியாக்கி பறக்க விட்டாய்!
அடையாளத்தோடு, அடையாளப்படுத்த அலைகிறேன்

உன் ஆசை என் மேல் திணித்தாய்
இதுவே உலகாசை என்றாய்
இப்படியே போனால்
வீட்டுக்கொரு நாடு வேண்டி
ஆயுதம் ஏந்த வேண்டி வரும்

விலங்கில் இருந்து வந்தானா - இல்லை
விலங்கை விட்டு வந்தானா - விட்டது
விலங்கை மட்டும் அல்ல
வினாகளோடு மீண்டும்
"சுடு" காட்டுக்கே திரும்புகிறான்

கரைகிறேனா
உறைகிறேனா - தெரியவில்லை
கரைந்தால் மீள்வது
கடினம்
உறைந்தால்
காலத்திற்காய்
காத்திருப்பேன்