ஒரே பாதையில்தான் பயணிக்கிறோம்..
ஒரே திசையில்தான் பயணிக்கிறோம்..
இணைய மாட்டோம்.. என்று தெரிந்தும்
பயணித்து கொண்டே இருக்கிறோம் - இரு தண்டவாளங்கள்

நீ இல்லாத
இரவுகளில் கூட நான்
இவ்வளவு கண் விழித்தது
இல்லை விழித்துக்கொண்டே  உறங்க கற்றுக்கொள்கிறேன்

பாகம்
பாகமாய் முடிவதுதான்
வாழ்க்கை  இது எந்த
பாகம்
பாவத்திற்கான
பரிகாரமா அப்படி என்ன செய்தேன் ...

ஒரு தூர நோக்கம் இல்லா
முடிவால் என்னில் இருந்து
துரத்தப்பட்டவைகள்  ஏராளம்.....

கடவுளை விடவும்
காலத்தை நம்புகிறேன்,
கால பதில்களுக்கான
காத்திருபுக்களில்.......

ஆறாவதாய் ஓர் புலன் வேண்டும்
நீ இல்லாமலேயே, இருப்பதாய் -வாழ்வதற்கு

உனக்காக
என்னிடம் ஒலிக்கு
மொழி பெயர்க்கப்பட்டாத
மெளனங்கள் நிறையவே

இரவு வந்தால்
இருள் வரும் என்று யார் சொன்னது
இங்கு
இரவு வருகிறது
இருள் தாமதமாக .... தாமதமாக...... தாமதமாகவே ?

நியூடனின் விதி அது விதியானது
உனக்கும் எனக்கும் எது
விதியோ அதுவே
விதியாகும்

இனி நீ
என்னை தேடுவதும்
உன் உடம்பில்
உயிரை தேடுவதும்
ஒன்றுதான்

நீ என்னோடு இருந்த வரை
நான் என்னை பற்றி சிந்தித்ததில்லை

நான் !
ஒவ்வொரு முறை
விழும் போதும்
உன் படைப்பின் குறைகளையே
உணர்கின்றேன்
உன் படைப்பு
முழுமையாய் இருந்திருந்தால்
நீயே  இங்கு வாழ்ந்திருப்பாய் - இறைவா

விண்ணில் இருந்து
வரும் போது ஒன்றாய்த்தான்  வந்தோம்
மண்ணில் விழும்முன் 
இலையில் விழுந்து
இரண்டானோம்
நதியில் காத்திருக்கிறேன்
கடலில் கலக்கும்முன்  ஒன்றாவோம்

பக்தர்கள் இல்லாத கோவில்களையே
விரும்புகிறேன்
கடவுளுக்காக அல்ல
அமைதிக்காக‌

கனவில் வருவாய் என காத்திருகிறேன் ஆனால் இரவு எனக்கு தூக்கத்தை தர ம(ற)றுக்கிறது.

நீ தரமாட்டாய் என்று தெரிந்தும்
நான் கேட்டுக்கொண்டே இருக்கின்றேன்
நீ பேச மாட்டாய் என்று தெரிந்தும்
நான் பேசிக்கொண்டே  இருக்கின்றேன் 
நீ கல் என்று தெரிந்தும்
நான் வணங்கிக்கொண்டே இருக்கின்றேன்
இறைவா நீ கல்லிலும் இருப்பாய் .....

ஓர் இரவில்
ஒற்ரை நிற‌த்துடன்
ஓர் வானவில்
நான் கண் விழிக்கும் வரை
எனக்கு தெரிந்தது