பரிசுத்த வேதத்தின் பெயரால்
நம் காதலுக்கு சாட்சியம் கோரப்பட்டது 

காதலும் காமமும் கடவுளும் மதமும் போல்
என் தர்க்கம் மதத்தோடு
என் மார்க்கம் காதலோடு     

காதலில் பிறந்தது காமம் எனில்
காமத்தின் ஆயுள் காதலுக்கு பொருந்துமா என்ன?

புனித இடம் தேடி உயிர் அலைகிறது உடலில்
இல்லை என்ற முடிவுக்கு வர தேவைப்படும் காலம் வாழ்க்கை எனப்படுகிறது 

பிழையான முடிவுகளின் தேடல்களில் வந்த
சரியான முடிவு நீ 

எல்லா மழைத்துளியும் மண்ணை தேடிய போது
ஒரு மழைத்துளி மட்டும் என்னை தேடியது 

கடும் இருட்டில் தெளிவாக ஓடிய நான் 
ஒரு விளக்கு வெளிச்சத்தில் தடுமாறி விழுந்தேன்