கனவில் ஒரு நாள்
இறந்து விட்டேன்  என் துரதிஷ்ட்டம்
கன‌வு இற‌ந்ததால்
நான் உயிர்த்துக்கொண்டேன்

கிடைக்காதது கிடைத்தது
கிடைக்குமென்றது மட்டும்
கிடைக்கவேயில்லை.

உன்னோடு பேசியதில்
எனக்குள் மறைக்கப்பட்ட
பக்கங்கள் குறைக்கப்பட்டன

உன்னால்தான் என்ன பயன்
என்னை நீ தொலைத்த பிறகு?

என்னை உறங்க வைத்தது
ஒரு கனவு

என்னை இழுத்துபோகும்  ஏதோ ஒன்று
உன்னையும் ஒருநாள் இழுத்து போகலாம் !

கனவு காண தெரியாதவர்களே
உங்களுக்கு ஐயோ கேடு ஏனெனில்
உங்களுக்கு கவிதை வராது!

மௌன கனவுக்கு யார்தான்
மொழி பெயர்ப்பது

நிலவு வரும் வரை காத்திருந்தேன் 
அன்று அமாவாசையென  தெரியமல்

தேடாமலே கிடைத்தாய்!
கிடைத்தும் தொலைத்தேன்!
தொலைத்தும் தேடுகிறேன்!

பாதைகளின் வழியே
பாதங்கள் போன போதும்
நிகழ்கால நிமிஷங்கள் கலக்கங்களாகவே

உன்னிடம்
தாய் மொழியில் பேசியதை விட
மெளன மொழியில் பேசியதே  அதிகம்
......................... இறைவா

என்னை புரிந்து கொண்ட ஒரே  ஜீவன்..
இருளிலும் தெரியும் என் நிழல் _ Acer TravelMate 6291 !

எல்லாவற்றையும்
தூக்கி எறிந்து விட்டு மீண்டும்
உன்னில் இருந்தே  தொடங்க வேண்டும்
என்னை

உன்னிடம் கேட்பதற்கு
என்னிடம் வார்த்தை இல்லை
உனக்கு தருவதற்கு
என்னிடம் ஒன்றும் இல்லை